Urdu Poetry

Baat phoolon ki suna karte the,  hum kabhi sher keha karte the. Mashaalen le ke tumhare ghum ki,  hum andheron mein chala karte the. Ab kahan aisi tabiyat waale,  chot kha kar jo dua karte the. Tark-e-ehsaas-e-mohabbat mushkil,  haan magar ahal-e-wafa karte the. Bikhri bikhri zulfon waale,  qaafile rok liya karte the. Aaj gulshan mein shagufe ‘saghar  shikwa-e-baad-e-saba karte the. !! pigeon fly

Utra hai rag-O-pai mein to dil kaT sa gaya hai Yeh zehr-E-judaai K gawaara bhi kabhi tha Har dost jahaN abr-E-gurezaaN ki tarah hai Ye shehar kabhi shehr humaara bhi kabhi tha Titli ke ta’aaqub mein koi phool sa bachcha Aisaa hi koi khaab humaara bhi kabhi tha Ab agle zamaane ke milen log toh puchheiN Jo haal humara hai tumhaara bhi kabhi tha? Har bazm mein hum ne usay afsurda hi dekha kahte hain ‘Faraz’ anjuman-aara bhi kabhi tha Hai DuaYaad Magar Harf e Dua Yaad Nahi

Dil giraftaa hi sahii bazm sajaali jaye Yaad E janaN se koi shaam na khaali jaye Rafta-rafta yahi zandaaN mein badal jate hain Ab kisi shahr ki buniyaad na daali jaye Mushaf E rukh hai kisi ka K beyaaz E Hafiz Aise chehre se kabhi faal nikaali jaye Wo murawwat se mila hai to jhukadun gardan Mere dushman ka koi waar na khaali jaaye Be-nawaa shahr ka saaya hai mere dil pe ‘Faraz’ Kis tarah se meri aashufta khyaali jaye Gham K Mujrim Khushi K Mujrim Hai

ġham ke mujrim ḳhushī ke mujrim haiñ log ab zindagī ke mujrim haiñ aur koī gunāh yaad nahīñ sajda-e-be-ḳhudī ke mujrim haiñ istiġhāsa hai raah o manzil kā rāhzan rahbarī ke mujrim haiñ mai-kade meñ ye shor kaisā hai bāda-kash bandagī ke mujrim haiñ dushmanī aap kī ināyat hai ham faqat dostī ke mujrim haiñ ham faqīroñ kī sūratoñ pe na jā ḳhidmat-e-ādmī ke mujrim haiñ kuchh ġhazālān-e-āgahī 'sāġhar' naġhma-o-shā.erī ke mujrim haiñ

Woh bulaayen toh kya tamaasha ho, hum na jaayen toh kya tamaasha ho. Ye kinaaron se khelne waale, doob jaayen toh kya tamaasha ho. Banda-parwar jo hum pe guzri hai, hum btaayen toh kya tamaasha ho. Aaj hum bhi teri wafaaon par, muskuraayen toh kya tamaasha ho. Teri soorat jo ittefaaq se hum, bhool jaayen toh kya tamaasha ho. Waqt ki chand saa.aten ‘saghar laut aayen toh kya tamaasha ho. !!

Poochha kisi ne haal kisi ka toh ro diye, paani mein aqs chaand ka dekha toh ro diye. Naghma kisi ne saaz pe chheda toh ro diye, ghuncha kisi ne shaakh se toda toh ro diye. Udta hua ghubaar sar-e-raah dekh kar, anjaam hum ne ishq ka socha toh ro diye. Baadal fiza mein aap ki tasweer ban gaye, saaya koi khyaal se guzra toh ro diye. Rang-e-shafaq se aag shagufon mein lag gayi, saghar’ humare haath se chhalka toh ro diye. !!

hai duā yaad magar harf-e-duā yaad nahīñ mere naġhmāt ko andāz-e-navā yaad nahīñ maiñ ne palkoñ se dar-e-yār pe dastak dī hai maiñ vo saa.il huuñ jise koī sadā yaad nahīñ maiñ ne jin ke liye rāhoñ meñ bichhāyā thā lahū ham se kahte haiñ vahī ahd-e-vafā yaad nahīñ kaise bhar aa.iiñ sar-e-shām kisī kī āñkheñ kaise tharrā.ī charāġhoñ kī ziyā yaad nahīñ sirf dhundlā.e sitāroñ kī chamak dekhī hai kab huā kaun huā kis se ḳhafā yaad nahīñ zindagī jabr-e-musalsal kī tarah kaaTī hai jaane kis jurm kī paa.ī hai sazā yaad nahīñ aao ik sajda kareñ ālam-e-mad.hoshī meñ log kahte haiñ ki 'sāġhar' ko ḳhudā yaad nahīñ