Ranjish Hi Sahi dip hi dukhany k liye aa

ranjish hī sahī dil hī dukhāne ke liye aa 

aa phir se mujhe chhoḌ ke jaane ke liye aa 

kuchh to mire pindār-e-mohabbat kā bharam rakh 

tū bhī to kabhī mujh ko manāne ke liye aa 

pahle se marāsim na sahī phir bhī kabhī to 

rasm-o-rah-e-duniyā hī nibhāne ke liye aa 

kis kis ko batā.eñge judā.ī kā sabab ham 

tū mujh se ḳhafā hai to zamāne ke liye aa 

ik umr se huuñ lazzat-e-girya se bhī mahrūm 

ai rāhat-e-jāñ mujh ko rulāne ke liye aa 

ab tak dil-e-ḳhush-fahm ko tujh se haiñ ummīdeñ 

ye āḳhirī sham.eñ bhī bujhāne ke liye aa